سعداللہ تانترے

سابق امیر جماعت اسلامی صوبہ جموں کے سعد اللہ تانترے صاحب جموں وکشمیر کی آزادی کی تحریک اور اسلامی تحریک میں ایک بہت بڑا نام رہا ہے انہوں نے اپنی پوری زندگی مقبوضہ جموں و کشمیر میں عوام تک اللہ اور اس کے رسول صلی اللہ علیہ وسلم کا پیغام پہنچانے میں صرف کیا اور اس کے ساتھ ہی ساتھ جب آزادی کی تحریک کے حوالے سے لوگ سرگرم سفر ہوئے تو سعد اللہ تانترے صاحب بھی نہ صرف اس کارواں میں شامل تھے بلکہ کارواں کی قیادت بھی کرتے رہے اس سے قبل بھی جس وقت الیکشن کے ذریعے بھارت نے اور ان کے کٹھ پُتلی حکمرانوں نے مقبوضہ جموں و کشمیر میں بھارت کے تسلط کو دوام بخشنے کے لئے اندرا عبداللہ ایکارڈ کو جوازیت فراہم کرنے کے لئے گاندربل اور دیوسر میں انتخابات کروائے اور شیخ محمد عبداللہ اور مرزا محمد افضل بیگ کو as candidate کو میدان میں اتار لائے۔اس موقع پہ جموں ریجن کے ضلع ڈوڈہ فرقان آباد سے سعداللہ تانترے صاحب کی ذمہ داری لگی کہ وہ سرینگر میں کام کریں اور محمد اشرف خان صحرائی جو اس وقت شیخ محمد عبداللہ کے مقابلے میں ایک امیدوار candidate کے طور پر جماعت اسلامی کی طرف سے میدان میں تھے ان کی الیکشن مہم چلانے کے لئے انہوں نے دن رات ایک کیا اور گاندربل کے اس حلقہ انتخاب میں نیشنل کانفرنس کے غنڈوں نے جو ظلم و زیادتی کا رویہ اختیار کیا،اس کے نتیجے میں سعد اللہ تانترے صاحب کی ایک آنکھ بھی شہید ہو گئی یہ وہ وقت تھا جب بندوق کے مقابلے میں صندوق جماعت اسلامی کی ترجیح تھی اور اس جدوجہد میں بھی جماعت کے افراد سختیاں برداشت کرتے رہے آنکھوں کی قربانیاں دیتے رہے جانوں کے نذرانے پیش کرتے رہے اور جب بندوق کا دور آیا،حق خود ارادیت کا غلغلہ گلیوں بازاروں چوکوں چوراہوں میں سنائی دینے لگا تو اس وقت بھی سعد اللہ تانترے صاحب مرد میدان کی حیثیت سے موجود تھے،نہ صرف وہ خود بلکہ ان کا بیٹا سہیل فرقانی وہ بھی میدان کار زار میں موجود تھا اور ان باپ بیٹوں نے تحریک آزادی کشمیر کے لئے تحریک اسلامی کے لئے جو کچھ ان سے بن سکا بن پایا۔جو جدوجہد انہوں نے کی مئی2007 ء میں سعد اللہ تانترے صاحب اس دنیائے فانی سے رخصت ہوئے اللہ تعالیٰ ان کی شہادت قبول فرمائے اور ان کے بیٹے کی شہادت کو بھی جو وہ بھارتی فوج کے خلاف جدوجہد کرتے ہوئے اپنی جان جاں آفریں کے حوالے کر گئے۔

1947 میں جب دو قومی نظریہ کی بنیاد پر ہندوستان اور پاکستان دو الگ الگ ملک کی حیثیت سے معرض وجو میں آئے تو ہندوستان کی حکومت نے مقبوضہ جموں و کشمیر کے لوگوں کی مرضی کے خلاف 27 اکتوبر 1947 کو اپنی افواج کو کشمیر میں اتار کر ناجائز قبضہ کر لیا۔ جموں وکشمیر کے لوگوں نے روز اول ہی سے اس قبضے کے خلاف بھر پور تحریک شروع کی۔اس تحریک میں ضلع ڈوڈہ کے چند لوگوں کا بڑا اہم کردار رہا۔ ضلع ڈوڈہ جو کہ خوبصورت وادیوں، گھنے جنگلوں۔ بہتے چشموں اور سر سبز میدانوں کا مسکن ہے ۔ 1947ء سے قبل بھی یہاں مسلمانوں پر بے انتہا مظالم ڈھائے گئے ہندوستانی افواج نے اپنے قبضے کے بعد بھی یہ مظالم نہ صرف جاری رکھے بلکہ مذہبی آزادی بھی چھین لی۔ اسلام اور آزادی کے نام لینے والوں کو اپنی بربریت کا نشانہ بنایا۔اس دور میں جب کہ ہر طرف ظلم وزیادتی کی ایسی داستانیں رقم کی جا رہی تھی اللہ کے نیک بندے اسلام کا پرچم تھامے آگے بڑھتے گئے نور اسلام کو ہر گلی ہر گھر اور ہر فرد تک پہچانے کیلئے غاصب حکمرانوں کا ہر ظلم سہتے گئے اسلام کے اس دئیے کو بجھنے نہ دیا بلکہ اپنا خون دے کر اس کو روشن رکھا۔ ان ہی برگزیدہ ہستیوں میں سر فہرست ہم سب کے محسن محترم سعداللہ تانترے کا نام آتا ہے۔

سعداللہ تانترے صوبہ جموں کے ضلع ڈوڈہ کے گاؤں گھٹ کے ایک متوسط گھرانے میں پیدا ہوئے۔ بچپن ہی سے اسلام کی طرف رغبت رہے دوران تعلیم وہ تبلیغ اسلام کے کاموں میں پیش پیش رہے جوانی کی دہلیز پر قدم رکھتے ہی وہ جماعت اسلامی جموں وکشمیر کے ساتھ وابستہ ہوئے۔ جماعت اسلامی کے پلیٹ فارم سے انھوں نے دعوت وتبلیغ کا کام شروع کیا۔ یہ کوئی آسان کام نہیں تھا اس دوران ان کو بے حد مصائب و مشکلات سے گزرنا پڑا مگر ان تمام آزمائشوں کے باوجود نہ تو ان کے قدم کبھی ڈگمگائے اور نہ ہی ان کے ارادوں میں کوئی کمی آئی لوگ جو کہ دین اور دینی تعلیمات سے بہت دور تھے محترم سعداللہ تانترے نے گھر گھر اسلام کی روشنی کو پھیلایا۔ صوبہ جموں کے اندر ان کی انتھک محنت اور لگن سے جماعت اسلامی ایک مضبوط قوت بن کر سامنے آئی۔ ان کی دن رات کی کوششوں سے لوگوں کے اندر دینی شعور بیدار ہوا دین کی روشنی چاروں طرف پھیلنے لگی۔ تبلیغ اسلام کے دوران سعداللہ تانترے صاحب پر وادی کے اندر جان لیوا حملہ ہوا جس میں ان کی ایک آنکھ بری طرح متاثر ہوئی۔ اس کے علاؤہ ان کو قید و بند کی صعوبتیں برداشت کرنا پڑیں مگر ان کے پائے استقلال میں لغزش نہ آئی۔ میں نے جب ہوش سنبھالا تو ان کی قیادت میں جماعت اسلامی سے وابستہ ہوا، میں ان خوش نصیب لوگوں میں سے ہوں کہ جس نے اپنا بچپن اور جوانی کا کچھ عرصہ ان کی صحبت اور رہنمائی میں گزارا۔ تحریک طلباء جوکہ جماعت اسلامی کی طلباء تنظیم تھی اس کا ناظم رہا سعداللہ تانترے صاحب کی تربیت نے بیشمار لوگوں کی زندگیوں بدل دی ان ہی کی اجازت سے ہم تحریک آزادی کشمیر کی مسلح جدو جہد میں شامل ہوئے۔ اور جب تک ان کا سایہ میسر رہا ان ہی سے رہنمائی لیتے رہے۔ ان کی قربانیوں کی ایک لمبی داستان ہے وہ کافی عرصہ تک جماعت اسلامی صوبہ جموں کے امیر رہے۔ 1989 میں جب ہندوستان کے خلاف مسلح جدو جہد شروع ہوئی تو ان کے تربیت یافتہ نوجوان اس جہاد میں شاملِ ہوئے اور غاصب افواج کے خلاف لڑتے ہوئے بہادری اور شجاعت کی وہ داستانیں رقم کیں جن کی مثال تاریخ میں کم ملتی ہے۔ ان نوجوانوں میں ان کا نوجوان اور انتہائی ذہین بیٹاتنویر احمد المعروف سہیل فرقانی بھی شامل ہے جو کہ ظالم ہندوستانی افواج کے خلاف لڑتے ہوئے شہید ہوئے۔ سعداللہ صاحب نے اس کے بعد بھی تبلیغ اسلام اور تحریک آزادی کشمیر کا کام جاری رکھا یہاں تک کہ اپنے خالق حقیقی سے جا ملے۔ ان کے جانے کے بعد ان کا خلاء کبھی پر نہیں ہوااللہ پاک ان کے درجات بلند فرمائے آمین