نظریاتی انقلابات

جب سے زمین پر انسانوں کی منظم معاشرت وجود میں آئی ہے انسان کو دو اقسام ہی میں منقسم دیکھا گیا ہے۔ توانااور کمزور، سرمایہ دار اور بے مایہ زمین دار اور بے زمین۔ اردو زبان میں اس تفریق کو اشرافیہ اور عوام کہتے ہیں۔ جب کہ انگریزی میں اسےHave and Have Not پکارتے ہیں۔خود کو برتر سمجھنا شائد معیوب نہ ھو لیکن اوروں کو کم تر سمجھنا یقیناً غلط اور مکمل حماقت ہے۔ احساس برتری البتہ شخصی کردار کیلئے تعمیری طرز فکر ہے بشرطیکہ ادمی میں کوئی برتر قابل فخر وصف تو ہو۔۔ مثلاً امریکی شہری محمد علی کا خود کو دوسروں سے برتر باکسر سمجھنا، یا جہانگیر خان کا یہ فخر کہ۔میں دنیا کا بہترین اسکوئش کا کھلاڑی رہا ہوں کسی طرح بھی قابل اعتراض تصور نہیں کیا جاتا۔

تخلیقی اور فطری جذبات کے اعتبار سے تو سب انسان برابر ہیں۔ اس کے باوجود ہر دور میں انسان اوپر بیان کردہ اقسام ہی میں بٹا ہوا دیکھا گیا۔ یہ گروہ ایک دوسرے کے حریف اور آپس میں متصادم ہی رہے ہیں۔ اس کی وجہ غالباً یہ ہے کہ انسان کو علم و الہام و ادراک ہے کہ دنیا میں انسانی کوششوں سے ان کی مالی معاشی اور معاشرتی حیثیت بدل سکتی ہے۔ توحید رسالت پر ایمان لانے والوں کو فرمان الٰہیہ یاد ہے کہ ” یہ دن ہم باری باری بدلتے رہتے ہیں لوگوں میں(” العمران آیت 140)۔یہ بات ثابت ہے کہ قوموں اور قبیلوں میں طاقت کی ادلیٰ بدلی ایک خاص عرصے کے بعد قدرت عمل میں لاتی رہتی ہے۔

لوئس کلاڈو کہتا تھا جب مروجہ حالات یا اعمال سے لوگ ناخوش اور مایوس ہو کر متبادل علم و راہ تلاش کرلیں۔ پھر پرانے طرز سے جان چھڑانے کی تگ دو کو جائز سمجھ کر جو لائحہ عمل طے کریں وہ نظریہ کہلاتا ہے لوئس کلاڈو کی اس تعریف کو بعد میں نپولین اور مارکس اور اینجل نے بھی پسند کیا اور نظریہ Idealogy کی تعریف یہ طے پائی۔

” Idealogy,is form of social or political philosophy in which practical elements are as prominent as theoretical one..It is a system of ideas that aspires both to explain the world and to change it.”

حاصل بحث یہ ہے کہ انفرادی تجربہ کوئی بھی ہو وہ علم کہلاتا ہے جب یہ علم دوسرے ضمنی تفصیلات سے مل کر عام استفادہ کا باعث بنے تو نظریہ تب بنتا ہے۔ اس وقت دنیا میں مغربی فلاسفرز کے مطابق جو تسلیم شدہ ائیڈیا لوجیز Idealogies مستعمل ہیں وہ سوشلزم، کمیونزم، ، فاشزم، نیشنلزم، لبریشنزم اور کنزرویٹزم ہیں۔ حیران کن طور پر کامل اور موثر ترین ازم (اسلام) مغربی فلاسفرز کے قریب کوئی فلسفہ حیات ہی نہیں۔ اس امر سے اپ اندازہ لگا سکتے ہیں کہ مغربی ممالک اور غیر اسلامی عوام اسلامی نظریہ حیات سے کس قدر بغض اور تعصب رکھتے ہیں۔ مزید تفصیلات بعد میں کسی وقت عرض کرونگا۔ اس موقع پر ہمیں پہلے ازم کی تعرف جاننا ضروری ہے۔

یہ وہ حقیقت حال ہے جس نے مجھے معتبر لوگوں، صاحب دانش و بینش کے اس پلیٹ فارم پر اپنی بات اپنا نقطہ نظر پیش کرنے کے لیے متحرک کیا، اور میں نے یہ کہا کہ” نظریات کیسے طلوع اور غروب ہوتے ہیں” میں مغربی فلاسفرز کے اسلام کو نظریہ ہی نہ تسلیم کرنے پر مذکورہ بالا طرز فکر اور نظریے پر بدگمان ہونے کی بجائے خوش گمانی کا اظہار کرتے ہوئے کہوں گا کہ ممکن ہے انہوں نے دلی طور پر اس حقیقت کو تسلیم کر رکھا ہو کہ نظریہ اسلام تو ایک ایسے مستقل، دائمی اور لازوال نظام حیات انسانی کا امین اور داعی ہے کہ جس میں تو نہ کسی پیوندکاری کی گنجائش ہے اور نہ کوئی غیر ضروری لفظ استعمال ہوا ہے۔ یہ واقعتا دین فطرت اورسچا دین ہے۔ دین اسلام خالق کائنات کا بنایا ہوا ضابط حیات ہے۔ جیسے اللہ تعالٰی نے فرما رکھا ہے کہ تمہیںاللہ نے مٹی سے بنایا، تمہاری زمینی زندگی کی مدت مقرر کر رکھی ہے اور اس زندگی کی مدت مقرر ہے جو تمہیں موت کے بعد ملنے والی ہے۔ (سورت الانعام آیت نمبر 1 اور 2)۔ نظریات نہیں بدلتے، انسان بدلتے رہتے ہیں۔ دوسری بات یہ کہ مغربی فلاسفرز آپس میں بھی سیاسی اور معاشی نظریاتی اختلافات کا شکار رہے ہیں۔جو بھی سیاسی نظریہ اہل مغرب نے متعارف کروایا اس کے ناقدین بھی مغرب ہی سے اٹھے۔ مثلاً میکاولی نے جب اپنے سیاسی نظریات پر مشتمل The Princeلکھی تو اس پر مغربی فلاسفرز ہی نے تنقید کی اور اسے مکار اور جھوٹا شخص قرار دے کر” برائیوں کا استاد” کہا۔ میکاولی کی The Prince کو تقریباً تقریباً سارے فلاسررز اور دانشوروں نے مسترد کیا اور اس کے طرز فکر کی مذمت کی کہ وہ حکمران کو برائیاں سکھاتا ہے۔ میکاولی کے بڑے ناقدین میں جرمن فلاسفر نطشے اور امریکی دانشور لیوئس سڑاس پیش پیش رہے ہیں۔

اللہ تعالیٰ نے صرف کتاب (قرآن مجید) ہی نازل نہیں کیا بلکہ ایک پیغمبر بھی مبعوث فرمایا ہے۔ اس لیے کہ وہ لوگوں کو انسانی زندگی کی تفصیلات اور جزئیات مکمل طور کر سمجھا دے تا کہ لوگ اسی طرح زندگی گزاریں جیسے پیغمبر ادا کرتا ہے۔ اس طرز عمل و حیات کو اسلام میں سیرت رسول اللہ صلی اللہ علیہ وآلہ وسلّم کہا جاتا ہے۔ جب کہ فرمودات رسول اللہ کو حدیث نبوی کہہ کر پکارا جاتا ہے۔ قران پاک کو اسی لیئے مکمل ضابطہ حیات تسلیم کیاگیا ہے۔ یہ ایک تاریخی سچائی ہے کہ۔جس کسی بھی مغربی یعنی بے دین فلاسفر نے قرآن کریم کا مطالعہ بلا تعصب دل و دماغ سے کیا وہ آخر کار مسلمان ہو گیا۔ جیسے امریکی صدر رچرڈ نکسن کے بین الاقوامی تعلقات پر چیف ایڈوائزر SIR ROBERT CRANE سر رابرٹ کرینے نے 1981 میں اسلام قبول کیا اور اپنا نام بھی، اسلام کے دوسرے بے مثال خلیفہ راشد،حضرت عمر بن خطاب کی نسبت سے (فاروق) رکھ لیا۔ راقم نے اپنے فکر ونظر میں ایک مسلم کے لیے یہ شعر لکھا ہے:-

یہ نظریہ 19 ویں صدی کے آغاز میں برطانوی اور فرانسیسی فلاسفرز کے اشتراک سے ابھرا جن میں تھامس سپینس چارلس فورر سینٹ سائمن اور رابرٹ اوون شامل تھے۔ یہ مختلف مکتبہ فکر سے تعلق رکھتے تھے اور پولیٹیکل سائنس اور علوم سماجیات کے طالب ہونے کے ناطے دنیا میں وقوع پذیر ہونے والے واقعات اور تبدیلیوں پر گہری نظر رکھنے والے دانشور تھے۔ پھر ان میں جرمن فلاسفر کارل مارکس اور اینگلز بھی شامل ہوئے تو رت ہی بدل گئی والی کیفت ہو گئی۔ کارل مارکس نے اور اینگلزنے انقلاب فرانس کا پس منظر حشر نشر اور عوام کی حالت زار جان رکھی تھی۔ انہوں نے نظام حکومت اور ریاستی اداروں کی انسان کش سرمایہ دارانہ اور غیر دانشمندانہ پالیسیوں پر بڑی تنقید کی۔ اور سرمایہ دارانہ نظام پر کئی مضامین لکھے۔ وہ انہوں نے اپنی تحریروں میں کیپیٹل ازم میں پائی جانے والی خامیوں اور حکومتی بے حسی پر بڑے جارحانہ اور حقیقت پسندانہ انداز میں قلمی حملے کئے۔

1848 میں کارل مارکس نے علم سیاسیات پر کتابچہ لکھ کر اپنا نظری پیغام لوگوں تک پہنچایا جسے خوب سراہا گیا اور اسے عوامی سطح پر نمایاں طور پر پذیرائی ملی۔ کارل مارکس کا یہ قول عالمی سطح پر بہت پسند کیا گیا۔ “وقت ہمہ گیر اثاثہ ہے۔ بے عمل انسان زندہ لاش کی مانند ہے۔۔۔ انسانی ضرورت تب تک بے وقعت رہتی ہے جب تک انسان کا دل بیدار اور ذہن و نگاہ روشن نہ ہوں”۔

کارل مارکس اور اینگلز کی مشترکہ کوششوں سے 1867 میں کتاب Capital Das The بھی لوگوں کو مطالعہ کے لیے دستیاب ہو گئی۔ کہا جاتا ہے کہ کارل مارکس کی یہ کتاب اس کے مسلسل چالیس سال تک لائبریری میں بیٹھ کر مطالعہ اور غور و فکر کرنیکے بعد مکمل ہو کر منظر عام پر آئی تھی۔ ولللہ اعلم باالصواب۔ راقم کے مطابق اگر کارل مارکس زار روس کی ظالم و جابر حکمرانی کی انسان کش پالیسیوں کے نتیجے میں عام رعایا کی محکومانہ طرز زندگی،حق تلفیوں، قابل رحم زبوں حالی اور معاشرتی خوشیوں سے محروم و افسردہ چہروں کا مشاہدہ نہ کیا ہوتا اور انقلاب فرانس کا پس منظر اور دوران انقلاب تباہ کاریوں کا نہ جانا ہوتا تو شاید وہ سوشلزم کی حمایت کبھی نہ کرتا۔

انقلاب فرانس میں بادشاہ کے ظلم و ستم کے ستائے ہوئے بھوکوں پیٹ رہنے والے عوام، کسان اور فوج نے 14 جولائی 1789 کو پیرس میں Bastille Fortressپر یلغار کر کے انقلاب کا اغاز کر دیا۔ معتوب مزدورں کے ہاتھوں متمول آقاؤں کی ذلت، کارخانوں میں افلاس زدہ ہنر مندوں کے ہاتھوں کارخانوں کے مالکوں کا حلیہ بگاڑنے والی پٹائی اور چلتی مشینوں میں اوزار پپھینک کر انہیں ناکارہ کرنا۔ بھوک افلاس کی ماری بپھری عوام کے ہاتھوں اشرافیہ کے محلوں اور حویلیوں کی تباہیاں اور کھیت کھلیانوں میں دہقانوں کے ہاتھوں فصلوں کا جلانا اور جاگیرداروں کی سر پھٹول جیسے واقعات کی تفصیلات نے دنیا بھر میں حکمرانوں کی آنکھیں کھول دیں، لوگ کانوں کو ہاتھ لگانے لگ گئے۔ تباہ کاریوں، خونریزیوں کے اس ابتلاء و آزمائش کے دور کی عکس بندی علامہ اقبال نے بھی اپنی ایک مشہور نظم میں کی ہے۔ وہ لکھتے ہیں۔

دنیا میں جتنے بھی حکومتی نظام (ISM )رائج ہیں ان سب میں بہترین نظام اسلامی قوائد و ضوابط کے تابع قائم ہونے والا نظام ہے۔ کوئی بھی حکومت قائم کرنے کا بنیادی فرض اور غرض و غایت معاشرے میں عدل و انصاف سے معاملات کو چلانا نبھانا ہے۔ اور اللہ کریم کے سوا اور کوئی عادل ہے نہ کوئی قادر مطلق۔ ہم دیکھتے ہیں کہ کائنات کا نظام کس نفاست سے کس قدر نظم و ضبط سے چل رہا ہے۔اللہ اپنے بندوں پر بہت مہربان اور رحم کرنے والا ھے۔ اس اعتبار سے اللہ سے بڑھ کر انسانوں کی فلاح و بہبود اور کوئی نہیں کر سکتا۔ دنیا بھر میں رائج حکومتی نظاموں میں بد ترین بندو بست سرمایہ داری CAPITALISM ہے۔ سرمایہ داری کا آغاز کرنے والے عوامل و عناصرِ اور ان کے کریہہ کردار کے بارے میںپڑھ کر انسان حیرت زدہ ہو جاتا ہے اور پھر پریشان ہو کر سر پکڑ لیتا ہے کہ زمین پر اللہ کا یہ نمائندہ اس قدر بے حس اور درندگی پر بھی اتر سکتا ہے۔

اللہ کے نظام میں کمائی سے کھانا اور وافر حصہ کمزوروں کو دینا تھا۔ انسانوں نے کمائی جمع کرنا(ارتکاب دولت) شروع کر دی۔۔ ظاہر ہے یہ قدرت کے نظام اور مقصد سے متصادم نظریہ حیات کھڑا کر دیاگیا ھے۔ سرمایہ داری کو بدترین نظام اسی لیے کہا جاتا ھے کہ اسلام کے علاوہ جتنے نظام (ازم ISM) دنیا میں رائج ہیں، کمیونزم، سوشلزم ، چانکیہ سیاسی فلسفہ، میکاولی نظریہ ہٹلر ازم لادینی نظریات وغیرہ وغیرہ سب میں ریاست اپنے عوام کی فلاح و بہبود کا خیال رکھتی اور اسے کچھ سہولیات فراہم کرتی ہے۔ سرمایہ دارانہ نظام ایک ایسا نظام ہے جس میں سرمایہ کار ہر کام اور سرمایہ کاری اپنے منافع کی خاطر کرتا ہے اسے عوامی فلاح وبہبود سے کوئی غرض نہیں ہوتی۔ جیسے پاکستان میں بجلی بنانے والے IPPs پراجیکٹ نے حکومت پاکستان سے معاہدات کر رکھے ہیں کہ وہ ایک خاص مقدار میں بجلی پیدا کریں گے۔ حکومت پاکستان وہ پوری بجلی استعمال کرے نہ کرے ان کمپنیوں کو طے شدہ رقم پاکستان کو ضرور ادا کرنا ہوتی ہے۔

1 غلامی کی بنیاد تب بھی طاقت کے عدم توازن پر تھی وہی وجہ آج بھی رائج ہے۔
2 ۔۔مالک اور غلام کے درمیان کوئی معاہدہ نہیں ہوتا تھا بلکہ صرف جبر سے کام لیا جاتا تھا وہی رواج آج سرمایہ دارانہ نظام میں پایا جاتا ہے۔ عرب ممالک میں ملازم کا پاسپورٹ کفیل اپنے پاس رکھ کر اس کا استحصال کرتا ہے۔ 3۔۔جنگی قیدی غلام بنا لئے جاتے۔ 1971 میں ہندوستان نے مشرقی پاکستان سے پاکستانی افواج اور سویلین قیدی بنائے رکھے۔۔ 4۔۔بردہ فروشوں سے بردے خرید کر غلام بنائے جاتے۔ جیسے حضرت یوسف علیہ السلام غلام بنائے گئے آج بھی اغواء برائے تاوان کر کے تین تین سال تک لوگ قید رکھے جاتے ہیں۔ 5 ۔۔مقروض کو غلام بنا لیا جاتا تھا۔ اج بھی اینٹوں کے بھٹوں پر یہی طریقہ چل رہا ھے۔ پیشگی دی جاتی ہے اور پورا خاندان غلاموں کی طرح کا کرتا ہے۔ 6۔۔غلامی ہو یا سرمایہ دارانہ نظام حقوق صرف مالک کے ہوتے ہیں۔غلاموں کے صرف فرائض ہوتے ہیں۔ 7 ۔۔غلاموں کو رذیل اور زلیل سمجھا جاتا تھا۔جدید دور میں بھی اسکندر مرزا کی بیوی ناہید اختر کہتی ہے ایران کے شہنشاہ کھانا کھاتے ہیں تو جنرل کی کرسی کی پشت پر کھڑے رہتے ہیں۔ ہمارے میجر (ADC) ہمارے ساتھ بیٹھ کر کھانا کھاتے ہیں۔ مزدور ہمیشہ ظلم و ستم اور استحصال کا شکار رہا ہے۔ اج بھی ایسا ہی ہے اور کم از کم مستقبل قریب میں بھی ایسا ہی رہے گا۔ صحیح خطوط پر جد و جہد کرنا لازم ہے اور اس کا بار آور ہونا بھی لازم ہے۔لیکن فی الحال کوئی انقلابی تبدیلی ہوتی نظر نہیں آتی۔

نظام سرمایہ داری کے جن اوصاف کا تذکرہ اوپر کیا گیا ان کا جائزہ لیں تو تسلیم کیے بغیر نہیں رہا جا سکتا کہ نظام سرمایہ داری (مروجہ جمہوریت) انسانیت کش نظام ہے جس میں جائز یا جائز ،صحیح یا غلط، سود مند یا نقصان دہ ہونا دیکھے بغیر اکثریتی ممبران کی تجویز کی بنیاد پر فیصلہ کر دیا جاتا ہے۔اس نظام سے ریاست کشمیر سب سے زیادہ متاثر ہوئی ہے۔ ریاست پر ہندوستان کا ناجائز اور غاصبانہ قبضہ 1947 سے قائم ہے۔ کشمیری اس غیر قانونی اور غیر اخلاقی قبضہ و جارحیت کے خلاف آزادی کی جنگ تب سے اج تک لڑ رہے ہیں۔ ہندوستان ہی اس جنگ کے خلاف مقدمہ اقوام متحدہ میں لے کر گیا۔ اقوام متحدہ نے فیصلہ کیا کہ ریاست جموں و کشمیر میں استصواب رائے کروایا جائے۔مگر اس فیصلے پر عمل درآمد کرانے میں اقوام متحدہ اج تک ناکام ہے۔ اس کی وجہ صرف اور صرف دنیا بھر میں افسانوی نظام جمہوریت (مک مکا) رہا ہے۔ اقوام متحدہ میں اکثریتی ممالک ریاست جموں و کشمیر سے ان کے نظریہ اسلام سے بغض رکھنے کی بنیاد پر بہانے بہانے سے فیصلے پر عمل درآمد ملتوی کروا دیتے ہیں۔

1947 میں قبائلی غیر منظم اور غیر پیشہ ورانہ انداز میں اگے بڑھ رہے تھے۔ اگر قبائلی منظم ہو تے اور غیر ضروری سرگرمیوں میں مصروف نہ ہو جاتے تو 26 اکتوبر1947میں سری نگر پر ان کا قبضہ ہو جاتا۔بھارت میں اب نہرو پر کشمیر میں جنگ بندی اور معاملے کو اقوام متحدہ میں لے جانے پر غم و غصّے کے ساتھ شدید تنقید ہونا شروع ہو گئی ہے۔ بھارتی وزیر داخلہ امیت شاہ کہتے ہیں کہ اگر نہرو اقوام متحدہ میں نہ جاتے تو پورا کشمیر ہندوستان کے پاس ہوتا۔ نیشنل کانگریس کے فاروق عبداللہ نے امیت شاہ کے بیان پر رد عمل دیتے ہوئے کہا کہ اگر نہرو اقوام متحدہ میں نہ جاتے تو پاکستان پونچھ اور راجوڑی پر قبضہ کر لیتا۔